Knut Bergsland

Knut Bergsland (7. njuhčâmáánu 1914 Kristiania, Taažâ – 9. syeinimáánu 1998 Oslo, Taažâ)^[1] lâi suomâ-ugrâlij kielâi kielâtiettuu professor Oslo ollâopâttuvâst tassaažân ko sun jaamij keessiv 1998. Suu vuosmuš sämikielâlâš pargo almostui ive 1942, Det samiske slektskaps- og svogerskapsordsystem. Suu náguskirje, Røros-lappisk grammatikk, poođij ive 1946, já ton rääjist sun almostitij ennuv tieđâlijd čalluid, meiddei oppâkiirjijd já materialčuágálduvâid sämikielâst já sämikielân. Sämikielâ syergist Bergsland uáivisyergin lijjii maadâsämikielâ kuávlukielah. Sämikielâi já suomâ-ugrâlij kielâi lasseen Bergsland tuuđhâi ennuv meiddei aleutlijd já eskimolijd kielâid.

1. ↑ Knut Bergsland nbl.snl.no. Čujottum 9.11.2023. (tárukielân)